CEBU, Philippines - Mipatigbabaw ang father and son tandem Chito ug Val Carreon sa Class-C division sa PC Hills tennis tournament didto sa PC Hills Tennis Club sa Brgy. Lahug, ning siyudad.
Mipahiluna sa ikaduha nga dapit. mao ang panagpares sa amahan ug anak nga sila si Oliver ug Olive Enriquez, samtang si P/S Insp. Manuel Poquita (ret) ug SPO2 Boy Pigon miangkon sa ikatulo.
Ganting salapi ug tropeyo ang gitunol ngadto sa mga top performers.
Usa sa mga highlight sa kalihukan mao ang pagpili og bag-ong hut-ong sa opisyales sa PC Hills Tennis Club.
Ang mga napiling opisyales mao sila si P/SSupt. Orlando R. Secretario (ret.) isip presidente, P/SSupt. Orlando Ualat (vice president), SPO4 Avelina B. Ermac (secretary), P/Insp. Enrique Belciña (treasurer), PO3 Marciano C. Pigon (auditor), Oliver Enriquez ug Chito Carreon (press relations officers), NUP Julito Mabia ug Jojit Capoy (peace officers), SPO3 Manuel Poquita (ret.) isip court manager ug SPO3 Melquiades Garcia (asst. court manager).
Mga sakop isip Board of Directors (BoD) naglakip ni P/SSupt. Edgardo Ingking (chief of staff), P/SSupt. Erson U. Digal (CPPO Provincial Director), P/Insp. Susan Passion (ret.), P. Insp. Hugo Ipong ug CHE Tita Bulias.
Ang PC Hills Tennis Club naglaraw nga mopahigayon og laing torneyo sa dili pa matapos ning bulana. (BANATNEWS)