Arcilla, Tierro nangu sa quarterfinalists

CEBU, Philippines - Ang defending champion Johnny Arcilla ug Patrick John Tierro mikulit og daog aron mangulo sa ubang quarterfinalists sa 3rd Cebuana Lhuillier Men's Open Tennis Tournament didto sa Baseline Sports and Recreation Center kagahapon.

Nakasud sa sunod hugna human gimasaker si Arcie Maño, 6-2, 6-1, samtang ang third seed nga si Tierro milampos sa makutas nga duwa batok ni Kim Ivor Saraza.

Si Arcilla moharong sunod ni sixth-ranked Ronald Joven, samtang si Tierro makigbangga ni Alexander Lazaro sa sunod hugna sa kompetisyon.

Laing duha ka duwa sa quarterfinals mao ang sangka ni fourth-ranked Rolando Ruel batok ni fifth-seeded Ralph Kevin Barte ug seventh-ranked Rocky Paglunan batok sa second-seeded Elbert Anasta. – BANAT NEWS