CEBU, Philippines - Upat ka Sugbuanong atleta ang nakasud sa final cut sa National Under-14 squad nga maoy morepresentar sa nasud alang sa Festival of Football karong Hunyo 2-6 didto sa Malaysia.
Adunay 30 ka atleta ang gipaubos sa subsob nga ensayo diha sa Don Bosco Boys Home sa Liloan ug 22 lang ang nakakuha'g pasaporte ngadto sa Malaysia.
Ang mga lokal nga atleta nga naapil sa RP team mao si Jose Rafael Lipardo ug Pericles Dakay Jr. sa Springdale, Renko Guadiel sa Bright Academy ug Clint Ligan sa Mandaue Technical Institute.
Mikompleto sa komposisyon sa RP-14 naglakip nila ni Francis Louise Polvorido, Jhoguev Ybañez ug Mark Cui sa Negros Occidental Football Association, Angelo Gabriel Bahoyan, Raymund Santilla, Joey Adrian dela Sierra ug Ricky Ryan Ragay sa Negros Oriental, Skie Carranza, Rean Villafuerte ug Paolo Gabriel Alilam, sa Luzon, Miko Tirador, Renz Richard Portigo, Irvin Terazona ug Zaldy Abraham sa Iloilo ug Bertrand Gregg Ramos III ug Jericho Gonzales sa Bukidnon.
Ang koponan gilangkuban sab sa Cebuano coaching staff uban ni Ricky Dakay isip team manager, Raffy Musni isip coordinator ug Oliver Colina isip head coach. Ang assistant coaches mao sila si Allan Medalla ug Dennis Peñalosa. – BANAT NEWS