Honda Underbone Circuit sa Kartzone karon
CEBU, Philippines - Tigian karong adlawa ang penultimate leg sa Honda One Make Race Underbone Circuit Racing 2009-2010 diha sa Kartzone sa Panagdait sa Mabolo, ning siyudad.
Ang aksiyon karon maghatag og higayon sa mga Sugbuanong riders paglaslas sa labaw ni Ernie Daguio Jr. sa Davao City nga nag-una sa karera sa Rider of the Year kay dili man siya makaapil sa 7th leg.
Si Daguio nakatigum og 28 puntos ug numero unong kandidato alang sa ROY award human nanghawod sa Iloilo ug Bacolod legs ug ikaduha sa pagsugod sa leg dinhi sa Sugbu.
Tungod niini, sila si Gary Cañeda, Peter Gjengaar ug Lyndon Requilme may purohan pang makaapas ni Daguio basi sa puntos nga ilang nakuha sa 125 Novice Open.
Gawas sa 125 Novice Open, si Daguio nag-una sab sa 100-110 Novice Open nga adunay 30 puntos. (BANATNEWS)
- Latest
- Trending
