Padayon pang manawat

CEBU, Philippines - Nasugdan na niadtong miaging adlaw ang Ave Maria basketball clinic didto sa Datag gym sa Maribago, Lapu-Lapu City.

Gibahin kini ngadto sa duha ka age brackets -- 12-year below ug 13-17 years old. Himuon kini sa matag adlaw'ng Martes, Huwebes ug Sabado gikan sa alas-8 sa buntag hangtod sa alas-12 sa udto.

Itudlo sa maong clinic mao ang hustong pagdepensa, dribol ug labaw sa tanan ang pag-itsa.

Sa registration fee nga P1,000, ang matag partisipante makaangkon og jersey ug ingon man basketball.

Si USJ-R coach Edito Salacut uban ni ex-PBA Danny Aying ug ex-UV Lancer Christopher Abellana maoy mangunay'g tudlo ngadto sa mga partisipante.

Niadtong interesado, mahimo pang magpalista, tawaga lang si Aying (0916-4854813) ug Billy Nadado sa D'House of Sports (340-3814).   (BANATNEWS)