"Tri-ur-own-race" karong Mayo 23 sa Catmon

CEBU, Philippines - Libreng lumba ug bukas sa tanang top ug amateur triathletes ang ipahigayon karong Mayo 23 didto sa Catmon.

Ang “Tri-ur-own-race” nga gipangulohan sa Sugbu Triathlon ug ni Christian Cabahug, usa ka free-for-all race diin mahimong mopili ang mga triathletes og gilay-on sa ilang rota basi sa ilang abilidad.

Giklaro hinuon sa mga organizers nga way premyo ang maong lumba ug magsilbe lang kini nga tune-up race alang sa mga elite triathletes ug usa ka training alang sa mga aspirants.

Gipahibalo usab sa mga organizers nga ang mga entrante kinahanglan magdala og kaugalingon nilang pagkaon ug tubig.

Ang “Tri-ur-own-race” gibahin sa duha ka hugna, una karong Mayo 23 ug ang ikaduha gikatakda sa Hulyo 18. – BANAT NEWS