GAA Founder's Cup 2010 buksan na diha sa Guadalupe Sports Complex

CEBU, Philippines - Duha ka bag-ong teams -- Pure Serv Mineral Water ni Raul Sollano ug ang ESG Motors ni Dr. Boy Te mopakita sa ilang labing unang aksiyon sa pagbukas sa tinuig nga Guadalupe Athletic Association (GAA) Founder’s Cup karong adlawa diha sa Guadalupe Sports Complex.

Upat ka duwa ang masaksihan karon nga sugdan sa ala-1 sa hapon. 

Magsangka sab ang McMill Access Internet Cafe ug sundan kini sa duwa tali sa Swan ug sa Fritz Beery Yogurt ug sa Agencia Grande batok Yale.

Trese ka teams ang misalmot ning tuiga ug gibahin sa duha ka brackets. Ang Group-A gilangkuban og pito ka teams, samtang ang nahabiling unom ka teams tua masakop sa Group-B.

Nagpundok sa Group-A mao ang Pure Serv, ESG Motors, Swan, Fritz Berry, Jaymar, J-Art ug ang Sniper, samtang ang nasakop sa Group-B mao ang Agencia Grande, McMill, Yale, Access Internet Cafe, Online ug ang Triple-R.

Si Sollano, kinsa mohulip sa puwesto ni Te isip bag-ong presidente mao ang tag-iya sa Evan Aulga Hardware ug Pure Serv.

Ang uban pang napiling opisyales sa GAA alang sa 2010-2011 mao sila si Lito Tancio (vice president), Michael Granada (secretary), Lito Posadas (treasurer), Romeo Pacaña (asst. treasurer), David Suzara (auditor), Allan Ricaña (PIO) Boy Enrique ug Gaga Cabanilla (sgt. at arms).    (FREEMAN NEWS)