Footbal summer program inilunsad

MANILA, Philippines - Inilunsad ng Philippine Football Federation, kasama ang Katipunan ng mga Mamamayan ng Bagong Parañaque Inc., ang Youth Football Summer Training Program sa Aseana Business Park, SM Mall of Asia grounds noong Linggo.

Nagbigay ng kanilang mga mensahe sina PFF President Mari Martinez, South Africa ambassador Pieter Vermeulen, Bill Shaw ng Urban Opportunities for Change at Delfin Wenceslao sa event.

Ito ay sinundan ng kickoff ceremony para sa pagsisimula ng training.

“We are on the right track,” wika ni Martinez, balak magka­roon ng print publication at television program ang PFF.

Si Wenceslao ang nagtayo ng football field sa nasabing one-hectare vacant lot sa Aseana Bu­siness Park matapos ang pulong kina Martinez, Rhoda Orsolino at women’s national football team manager Ernie Nierras.

“I welcome the opportunity to be a partner of PFF,” wika ni Wenceslao. 

Ang grupo naman ni Shaw ang nag-organisa ng tropang su­mabak sa Homeless World Cup kung saan noong 2009 ay nagtapos bilang 29th sa Mi­lan, Italy.