KCB mipukan sa FYA sa Lourdes Parish summer tilt

CEBU, Philippines - Ang Karl Customs Brokerage (KCB) ni team owner Nelson Arnoco mipakaging sa paboritong F. Llamas Youth Association (FYA), 87-81 sa midget division sa Lourdes Parish Summer Basketball League nga gibuksan niadtong Sabado didto sa Lourdes Parish gym sa Brgy. Punta Princesa, ning siyudad.

 Sayong gikontrolar sa KCB ang duwa ug miposte kini'g 45-24 nga bentaha sa halftime luyo sa nag-aso asong opensa nilang Alwyn Aguirre ug Charles Arnoco, nga pulos kanhi sakop sa USC-South Passarelle team.

Ang FYA mihimo sa ilang mainitong rally sa second half, apan wala sila makapugong sa naglagiting nga opensa nga gihimo sa KCB.

Si Aguirre maoy nangu sa KCB sa iyang 26 puntos, gisundan ni Dixon Fuentes nga adunay 18 puntos. Sila si Arnoco ug Kent Jongoy nagkumboya og 22 puntos alang sa maong kadaugan. Samtang ang pilderong FYA gipangulohan ni Alvin Igoña pinaagi sa iyang 24 puntos, sila si James Arreglo ug Dondon Rama nagkumboya sab og 22 puntos.

Puntos Matag Usa

KCB (87) - Aguirre 26, Fuentes 18, Arnoco 12, Jongoy 10, Gerzon 6, Catipay 6, Doble 6, Lopez 3

FYA (81) - Igoña 24, Arreglo 12, Rama 10, Laborte 7, Laurente 7, Marata 6, Aria 5, Bahena 4, Labrador 4, Medalle 2. – BANAT NEWS