3rd Olango Challenge moulbo na

CEBU, Philippines - Mag-abot karon ang duha ka dekalibreng female triathletes nga sila si Loren Dale Echavez ug Abigail Vega sa pagsikad sa 3rd Olango Challenge karong alas-11 sa buntag didto sa Tambuli Beach Club-East sa Mactan Island.

Si Vega maoy defending champion sa women's open 5K ug naglaraw kini alang sa grandslam ning maong kompetisyon.

Sa iyang bahin, ang Palarong Pambansa record holder nga si Echavez, kinsa mopakita sa labing una niyang aksiyon sa maong kompetisyon mosuway pag-ilog sa korona nga gihuptan ni Vega. 

Si Vega midaog sa 1st edition sa Olango Challenge diin nalakip siya sa RP Team nga mirepresentar sa nasud sa 1st Asian Beach Games didto sa Bali, Indonesia.

Sama ni Vega, si Nikita Dacera modepensa sab sa iyang titulo sa men’s open.

Ang maguwang ni Loren Dales nga si Lhoriz mosalmot sab karong adlawa, apan adto kini sa 3K action. 

Mubo ang rota sa maong lumba ning tuiga, apan mas lisud tungod kay kinahanglan moagi sila sa usa ka 2.5 kilometer box-type course.

Kapin sa P100,000 ganting salapi ang giandam alang sa mga mananaog.

Gawas sa ganting salapi ug medalya, ang makampiyon makaangkon usab og kahigayonan nga malakip sa RP Team nga maoy ipadala sa mga international events.

Kini naglakip sa Asian Open Water World Cup sa Hong Kong karong Nobiyembre 3 ug sa 2nd Asian Beach Games sa Muscat, Oman karong Disyembre 8-16.

Ang lumba gipasiugdahan sa Philippine Business for Social Progress (PBSP) uban sa suporta sa Philippine Amateur and Swimming Association (PASA). (BANATNEWS)