CEBU, Philippines - Nag-una na ang F. Llamas Youth Association (FYA) nila ni coach Noel ug Baeng Medalle human ilang gilampurnas ang Emilmich, 76-67, aron pagposte'g 2-0 nga baraha sa JS Contractor’s Cup summer basketball tournament didto sa Vicente Sotto Memorial gym sa barangay Punta Princesa.
Sa lain pang mga duwa, ang Mawin’s Kitchen mihaon sa una nilang daog human ilang gilubong ang Jack N' Jill, 98-61 nga mao karon ang labing taas nga winning margin sa torneyo, samtang ang Fatima milubong sab sa Dewfoam sa iskor nga 83-65 alang sa ilang 1-1 nga baraha.
Lima ka mga pambato sa FYA ang parehong mirehistro'g double figures nga gipangulohan ni Bots Tabares, kinsa mikadlit og 18 puntos
Ang kanhi CIT Wildcat nga si Jumel Lanutan mao sab ang nangu sa Emilmich pinaagi sa iyang 20, gisundan ni Beboy Potencioso nga adunay 18 puntos.
Sa laing bahin, si Tonix Carungay miposa og 19 puntos aron pangulohan ang Mawins. Nakakuha sab siya'g suporta gikan nilang Sherwin Lequit ug Mat Vallejo nga miposa'g 13 puntos matag usa.
Si ex-Wildcat Bimbo Caparas milansa'g 14 puntos alang sa Fatima dribblers, samtang si Julius Caballero maoy nangu sa pilderong Dewfoam pinaagi sa iyang 18 puntos.
PUNTOS MATAG USA
Unang duwa:
FYA (77) - Tabares 18, Pataliat 13, Rama 12, Cadungog 10, Caballero 10, Enriquez 5, Laborte 5, Abella 2, Garcia 2
Emilmich (67) - J. Lanutan 20, Potencioso 18, Lapingcao 6, R. Lanutan 6, Viñalon 4, V. llenes 4, J. llenes 3, Piliotas 2, Jañola 2, Ilagan 2
Ikaduhang duwa:
Mawin’s (98) - Carungay 19, S. Lequit 13, Vallejo 13, Lequit 10, Empanado 9, Tiu 8, Eleazar 7, Taborada 5, Avanceña 4, Mansueto 4, Pineda 2, Tecson 2
Jack N Jill (61) - Tojoy 13, Jayme 10, Padigos 9, Canencia 8, Mendoza 6, Poblete 4, Baric 4, Virtudazo 2, Iyana 2, Pacaña 2, Cabilao 1
Ikatulong duwa:
Fatima (83) - Caparas 14, Orquez 14, Gonzales 14, Cabunillas 10, Demicillo 7, Z. Canencia 6, B. Canencia 5, Mariano 4, Tony 2, Donfel 2, Castañares 2, Tigbas 2, Bantaya 1
Dewfoam (65) - Caballero 18, Rabadon 14, Cabañero 8, Mondejar 8, Cebes 5, Cagampang 4, Gaiti 4, Calolot 2, Rizane 2 (BANATNEWS)