CEBU, Philippines - Magtapok karong adlawa ang mga tennis players gikan sa nagkalain-laing koponan sa siyudad ug sa probinsiya sa Sugbu sa pormal nga pagbukas sa 3rd Mayor Jonas Cortes Cup Invitational Inter-Club Tennis Tournament diha sa Mandaue tennis courts.
Napulo'g-usa ka teams ang mag-ilog sa titulo sa men's doubles kini naglakip sa Tuburan Tennis Club, Compostela Tennis Club, Suson Tennis Club, Talisay Tennis Club, Suncase Tennis Club-Mabolo, Argao Tennis Club, Team 529, Liloan Netters, Talamban Team, Baseline Tennis Club ug ang host- Mandaue Tennis Club.
Sa opening day, magsangka ang Compostela Tennis Club batok sa Team 529 sundan sa duwa tali sa Argao Netters ug sa Liloan Tennis Club.
Ang makampiyon mobulsa og P20,000, ang mopahiluna sa ikaduha makaangkon og P10,000 ug ang mo-okupar sa ikatulo makadawat og P5,000.
Ang torneyo nga gipadagan nilang tournament director Joel Cortes ug sports committee chairman Jegren Signe gipaluyohan sa Mandaue City Sports Commission ubos sa liderato ni commissioner Atty. Hidelito Pascual. (BANATNEWS)