Mactan Hotmen milangkat titulo sa Port of Cebu sportsfest 2010

CEBU, Philippines - Nagpakita og katakos sila si   Kenneth Kernn Sesante ug   Jessie Bugtai aron giyahan ang Mactan Hotmen pagpukan sa paboritong D Force-Pimentel Brokerage, 90-81 ug ingon man pagsakmit sa korona sa Bureau of Customs 1st Port of Cebu Sportfest basketball tournament didto sa Benedicto College gym sa barangay Banilad, dakbayan sa Mandaue.

Ang Hotmen, kinsa maoy reigning champion sa Customs Employees and Brokers Union (C.E.B.U.), gisalbar nilang Bugtai ug Sesante pinaagi sa ilang mga krusyal nga tirada sa fourth period ug miposte’g 73-55 nga abante human sa three-pointer ni Marvin Sillar sa tunga-tungang bahin sa maong kuwarter.

Ang Mactan Hotmen mirehistro sa ilang labing dakung labaw nga 19, 56-37 sa ulahing bahin sa third period. 

Si Bugtai maoy topscorer sa   Hotmen pinaagi sa pagkadlit og 18 puntos, samtang si ex-CIT Wildkitten Jumie Ararao ug   si Sesante, ang star guard kaniadto sa UC Webmasters, miamot og 13 ug 12 puntos matag usa.

Si Alexander San Pablo mao sab ang nangulo sa Pimentel sa iyang 18 puntos, samtang si Michael Macasero miamot og 16 puntos. Si Darious Bensi mitampo og 14 sa maong kapildihan.

Sa sayo pa, ang Assessment Division naka-eskapo bitbit ang 74-73 nga kadaugan batok sa Chamber Brokers Inc. (CCBI) aron

pag-angkon sa ikatulo nga dapit.

Si Tata Laborte mirehistro og 12 puntos aron pangulohan ang Assessment, gisundan ni Dondon Cadungog nga adunay 10 puntos. Si Jerecil Borlado maoy topscorer alang sa CCBI sa iyang 28 puntos.

PUNTOS MATAG USA

Unang duwa:

Assessment (74) - Laborte 12, Cadungog 10, Rollon 9, Enriquez 8, Giducos 6, Quinio 6, Urbina 5, Medalle 4, Lopez 3, Bacalla 1

CCBI (73) - Borlado 28, Palero 10, Moral 10, Villaronza 10, Sta. Cruz 5, Sagario 3, Cilocilo 2, Petracorta 2, Velasco 2, Yelasco 1

Ikaduhang duwa:

Mactan Hotmen (90) - Bugtai 18, Ararao 13, Sesante 12, Ruiz 10, Ramos 8, Mata 8, Clapano 5, Sillar 5, Yu 5, Ambrad 4

D Force-Pimentel (81) - San Pablo 18, Macasero 16, Bensi 14, Estenzo 8, Arong 7, Mariano 5, Ibo 3, Solante 3, Borromeo 2, Nadela 2, Allerte 2, Pangue 2   (BANATNEWS)