Noval naka-gold gihapon sa Palaro

CEBU, Philippines - Dakung dungog ang naangkon ni Daniel Noval human mihipos sa ikaduha niyang bulawan sa 53rd Palarong Pambansa ug iyang naambasan ang karaang rekord sa 200m run kagahapon didto sa Tarlac Recreation Park sa San Jose, Tarlac.

Gipakita ni Noval, sa Mandaue City nga angay siyang tahuron isip labing kusog nga atleta sa Palaro pinaagi sa pagpilde sa

iyang challengers human mirehistro og 22.19 segundos natupngan ang rekord sa secondary boys nga nakuha ni Ronald Calaunan sa Cagayan Valley niadtong 1998.

Bisa'g napakyas siya pagbuak sa rekord, si Noval nagmaya gihapon kay mihakot kini og duha ka bulawan sa iyang katapusang aksiyon ning school-based sports

nga gipasiugdahan sa Department of Education (DepEd).

Gitapos ni Noval ang iyang kampanya pinaagi sa pagdaog og silver sa 4x100m relay uban nilang Ivan Castañeda, Anfernee Lopena ug Kent del Rosario.

Sa swimming, si Loren Dale Echavez mitapos bitbit ang usa ka gold ug tulo ka silvers, ang katapusan naggikan sa 400m freestyle event.

Kagahapon, ang CVIRAA mihipos og laing tulo ka golds, 10 silvers ug lima ka bronzes alang sa kinatibuk-an nilang 12 golds, 22 silvers ug 13 bronzes. – BANAT NEWS