Saladaga, Salutillo pabiling hawod sa Mayor Jonas Cortes Cup

CEBU, Philippines - Padayong gihuptan nilang Ruel Saladaga ug Agot Salutillo ang ilang tagsa-tagsa ka titulo sa 17-under category sa 3rd Mayor Jonas Cortes Cup Table Tennis Tournament niadtong miaging adlaw didto sa Mandaue City Plaza Square.

Si Saladaga nakarekober human masugamak sa second set aron pagpukan ni Soy Soriano sud sa upat ka sets, 11-7, 6-11, 11-8, 13-11 aron dad-on og balik ang korona sa boys division.

Samtang si Salutillo mibuntog ni Hana Jane Arroyo sud gihapon sa upat ka sets, 4-11, 11-8, 11-2, 11-3 aron pabiling manghawod sa girls division. – BANAT NEWS