CEBU, Philippines - Mikabkab sa labing unang bulawan sa athletics ang Central Visayas Regional Athletic Association (CVIRAA) sa unang adlaw sa kumbati sa 2010 Palarong Pambansa kagahapon didto sa Tarlac Recreational Park sa San Jose, Tarlac.
Si Ivan Castañeda mitunol sa CVIRAA sa usa ka semana sports conclave human manghawod sa long jump event sa gilay-on nga 6.82 meters.
Si Castañeda maoy mitubos sa kapildihan sa laing entrante sa long jump nga si Kent del Rosario sa Argao, kinsa wala makalusot human makaangkon og tulo ka fouls.
Ang mga pambato sa CVIRAA sa secondary javelin ug discus throw pakyas pagsulod sa top eight.
Si Stephanie Cimatu sa Region I maoy naghari sa javelin throw, apan napakyas pagbuak sa rekord nga 39m nga nahimo ni Melva Quirino sa CVIRAA niadtong 1998. (BANATNEWS)