CEBU, Philippines - Naka-eskapo ang Assessment Division ni coach Rady Abarintos bitbit ang 78-75 nga kadaugan batok sa Cebu-Customs United Personeros Association (C-CUPA) ni team leader Yoli Cena aron angkonon ang usa sa duha ka nahabiling luna sa quarterfinals sa Bureau of Customs (BOC) 1st Port of Cebu Sportsfest basketball tournament didto sa Benedicto College gym sa Brgy. Banilad, Mandaue City.
Ang ikawalo ug katapusang luna sa quarterfinals pagailogan sa 2-0 nga CIIS ni team leader Dione Edera ug sa 1-1 nga MJDL ni broker Mike Logarta.
Sa laing duwa, ang Pimentel D-Force ni broker Marty Pimentel milubong sa O-COM, 86-69 sa usa ka non-bearing game.
Ang idlas kaayong guard nga si Dondon Cadungog maoy nangulo sa Assessment pinaagi sa iyang 19 puntos, lakip na ang duha ka crucial free throws nga maoy misiak sa 75-all nga panagtabla.
Napun-an ang puntos sa Assessment human sa split charities ni Inting Bacalla, 78-75 ug may purohan pa unta ang C-CUPA nga maka-overtime apan si Totong Villanueva misipyat sa iyang 3-point attempt dungan ang pagtingog sa final buzzer.
Si Beking Rollon miamot og 16 puntos alang sa Assessment, samtang si Bacalla mibugha og 13 puntos.
Si Villanueva mao sab ang nangulo sa C-CUPA sa iyang 23 puntos.
Puntos Matag Usa
Unang duwa:
Assessment (78) - Cadungog 19, Rollon 16, Bacalla 13, Laborte 11, Enriquez 9, Medalle 8, Urbina 4, Lopez 3, Martinez 1, Navaja 1
C-CUPA (75) - Villanueva 23, Casul 14, Pernito 9, Castillo 8, Sagarino 7, Garcia 4, Bugtai 3, Solidarios 3, J. Garcia 3, Batoon 1
Ikaduhang duwa:
Pimentel (86) - Mariano 15, San Pablo 15, Ibo 9, De Gracia 7, Nadal 5, Macasero 4, Pangue 4, Borromeo 4, Solante 2, Allerte 2, Arong 2, Estenzo 2
O-COM (69) - Paloma 30, Herbito 11, Daan 8, Tumakay 5, Paghasian 4, Marlon 2, Canizares 1. – BANAT NEWS