CEBU, Philippines - Naka-eskapo ang Durabend-Datu Lapulapu bitbit ang 45-42 nga kadaugan batok sa Savers Home Depot-Cebu/Sugbu aron pagsakmit sa liderato sa United Architects Basketball Club (UABC) Season 4 Corporate Cup didto sa Cebu Eastern College (CEC) gym.
Si Jay Ramodes mikulit og 12 puntos ug milangkat og lima ka rebounds alang sa Durabend nga milansang sa ilang ikaupat nga daog batok sa usa ka pilde. Apan si Elmer Laguna maoy nahimong player of the game human mikutlo og otso puntos uban ang upat ka rebounds, usa ka assist ug usa sab ka block.
Human milabaw og tres puntos, 11-8 sa first period, ang Durabend mi-iskor lang og kuwatro puntos sa sunod kuwarter, apan nakabawi sa third period aron kontrolahon ang momentum.
Sama ni Ramodes, si Rebosura mao sab ang bugtong nakakuha og double figure alang sa Savers Home Depot pinaagi sa iyang 10 puntos.
Sa maong kapildihan, ang Savers Home Depot natagak sa ikaduhang dapit uban sa Gyproc ug Boysen-Rajah Humabon sa managsamang 3-2 win-loss records.
Puntos Matag Usa
Durabend (45) - Ramodes 12, Suico 9, Laguna 8, Hisula 4, Sulay 4, Concepcion 3, Abella 2, Lim 2, Jugalbot 1
Savers Home Depot (42) - Rebosura 10, Gonesto 9, Ong 8, Baladya 7, Decatoria 6, Tang 2. – BANAT NEWS