MANILA, Philippines – Nakatakda ang deadline sa pagpapatala para sa National Geographic Channel’s Earth Day Run sa Abril 11 kung saan ang inaugural staging ay aalpas sa Abril 18 sa ganap na alas-5 ng umaga sa SM Mall of Asia grounds sa Pasay City.
Halos 2,000 runners ang nagkumpirma na ng kanilang partisipasyon sa nasabing fund-raising event na naglalayong maimulat ang mga tao sa kahalagahan ng planeta.
Ang walk-in registration ay tinatanggap sa Nike outlet sa Bonifacio High Street, sa Timex outlets sa SM Mall of Asia at sa North EDSA hanggang Abril 11, habang ang online listup ay makukuha sa www.natgeorun.com; http://www.natgeorun.com. hanggang Abril 14.
Ang mga events ay ang 3K, 5K at 10K races na may entry fees na P500 (3K run), P600 (5K) at P700 (10K). Kasama na rito ang limited edition Earth Day Run technical shirt, ayon sa nag-oorganisang FOX International Channels Territory.
Ang makakalap na pondo sa event ay mapupunta sa Design Against the Elements (DatE), isang global architectural design contest na naglalatag ng solusyon ukol sa climate change.