CEBU, Philippines - Nasugamak na usab ang Sugbuanong si Bert “The Ninja” Batawang sa mga kamot sa Mehikanong si Ulises “Archie” Solis sa subli nilang panagharung sa Batawang didto sa Plaza Pueblo Antiguo in Ensenada , Mexico .
Sa pagbagting palang sa kampanilya sa round 1, gidabo-dabohan dayun sa Mehikano si Batawang kinsa nagkabuang og panagang sa kumo sa kanhi Mexican world champion.
Sa taho sa boxingscene.com, gipatumba ni Solis si Batawang sa round 4 ug hingpit nga gitapos sa Mehikano si Batawang sa ikalimang round pinaagi sa usa ka technical knock-out.
Sa maong kapildehan, nahanaw ang damgo sa beteranong Sugbuanong boksidor nga mo-away alang sa IBF world title. Si Solis maoy moatubang sa reigning IBF light flyweight champion Carlos Tamara sa Colombia. - Lemuel P. Maglinte (BANAT NEWS)