CEBU, Philippines - Daghan nang aspiring hoopsters ang nipirma alang sa Sunsport Basketball Training Camp 2010 nga mosikad sa ilang 17th season karong Abril 5 diha sa Sacred Heart Center Sports Club sa dalan Jakosalem, ning siyudad.
“More kids are registering as most parents have expressed their confidence in the camp’s 17 years of experience in training scientific fundamental skills to students who want to become future stars in Philippine basketball,” matud ni event organizer Andrew Choachuy.
Ang training camp bukas sa tanang mahiligon og basketbol nga nag-edad og siyete anyos ug pataas. Naglatid kini og duha-bulan nga training schedule gikan sa Abril 5-30 ug Mayo 3-28 ug aduna kini duha ka oras nga sessions gikan sa alas-8 hangtod sa alas-10 sa buntag atol sa weekdays.
Gawas sa fundamentals sa duwa sama sa hustong pag-itsa, dribol ug pasa, si training camp director Giovannie 'Jojo' Romarate motudlo sab og technical aspect sa paugnat sa kusog lakip sa ubang defensive drills ug defensive strategies.
Si Romarate maoy head coach sa Salazar Colleges of Science and Institute of Technology (SIT) Skyblazers varsity team.
Ang registration nagkantidad og P1,000 matag bulan. Sugdan ang registration sa Abril 5 sa alas-8 sa buntag.
Alang sa dugang pang kasayoran labot sa training camp, mahimong motawag sa Sunsport headquarters atol sa office hours sa tel. nos. 345-1015 o 0917-3205769, 0922-8377712 ug 0921-2338305. (BANATNEWS)