Pacquiao-Mosley fight eksplosibo kaysa Mayweather

MANILA, Philippines - Mas magiging eksplosibo ang laban ni Manny Pacquiao kay Sugar Shane Mosley kesa sa maarteng si Floyd Mayweather, Jr.

Ito ang opinyon ni Emmanuel Steward, isang Hall of Famer at nakilala sa pagiging trainer nina Tommy Hearns at Lennox Lewis at kasalukuyang gumagabay kay unified heavyweight champion Wladimir Klitschko.

Sinabi ni Steward sa panayam ng On The Ropes Boxing Radio na mas agresibo si Mosley kumpara kay Mayweather na maaaring itapat kay Pacquiao.

“I mean you know that Shane is going to bring it to you, I mean that’s him,” ani Steward kay Mosley. “There’s no way he’s going to run from anybody or try to be technical and if things get rough he’s still going to fight.”

Nasa listahan pa rin ng 31-anyos na si Pacquiao, nagbabandera ng 51-3-2 win-loss-draw ring record kasama ang 38 KOs, si Mayweather. (40-0-0, 25 KOs) kahit na hindi natuloy ang kanilang negosasyon.

Nakatakdang itaya ng 39-anyos na si Mosley (46-5-0, 39 KOs) ang kanyang suot na World Boxing Association (WBA) Super World welterweight crown laban sa 33-anyos na si Mayweather sa Mayo 1 sa MGM Grand sa Las Vegas, Nevada.

“The true really explosive fight that the true fight fans would look forward to would be with Shane Mosley and Pacquiao. But still, the media and the press and everybody is going to make the fight if it’s possible with Pacquiao and Mayweather because of the anticipation and the marquee value and all of the hype—but the pure, pure fight is with Shane Mosley,” ani Steward.

Hindi naman payag si trainer Freddie Roach na itapat si Pacquiao kay Mosley dahilan sa mas malaking katawan at mas malakas na suntok nito.  (Russell Cadayona)