Ironmen, 25ers magpapatayan para sa huling tiket sa finals

MANILA, Philippines - Maging pisikal man ang kanilang laro ng Ironmen ni coach Lawrence Chongson, mas kinatatakutan ni mentor Ato Agustin ang freethrow shooting ng kanyang mga 25ers.

Sa 89-81 tagumpay ng Excelroof sa Cobra Energy Drink noong Sabado, may masamang 10-of-33 clip ang koponan ni Agustin.

“That’s one aspect that we have to improve. We ha­ve no problem if our knock­out game would be a physical one since my boys are already used to it,” sabi ni Agustin.

Nakatakdang pag-a­gawan ng 25ers at Ironmen ang ikalawang finals berth ngayong alas-3 ng hapon sa kanilang ‘sudden-death’ para sa 2010 PBL PG Flex Erase Pla­ce­n­ta Cup sa San Juan City gym.

Makakaharap ng nag­hihintay na Pharex B Com­plex ang sinumang mananaig sa pagitan ng Cobra at Excelroof para sa best-of-three championship series.

Parehong nagkaroon ng ‘twice-to-beat’ advantage ang No. 1 Fighting Ma­roons at No. 2 Ironmen sa Final Four kontra sa No. 4 Cossack Blue Spi-rits at No. 3 25ers, ayon sa pagkakasunod.

Para muling talunin ang Cobra ni Chongson, pi­nanood ni Agustin ang tape ng kanilang panalo noong Sabado.

Nauna nang iginupo ng Ironmen ang 25ers, 66-65, sa kanilang unang paghaharap sa elims.

Sina Jimbo Aquino, Calvin Abueva, Ronald Pascual, Pamboy Raymundo at Ian Saranggay ang muling ibabandera ng Excelroof para pigilan ang Cobra. (RCadayona)