Derby sa Abril 9

CEBU, Philippines - Gikan sa sambunot sa ring nilang Manny Pacquiao ug Joshua Clottey, ari nasab kita sa sambunot sa laing ring nga gitawag og cockpit area— kung sa binisaya pa BUWANGAN.

Dinhi tataw gyud nga dunay mabihag ug wala’y makapanagang sa kahait sa buwang dili pareho ni Clottey nga mahadlok molagom ang nawong bisan og lagom nang daan.

Dunay dakong derby diha sa New Talisay Tourist Sports Complex, Inc. karong Abril 9, 2010 (Biyernes) usa kini ka holiday kay kini ang karaang Bataan Day nga karon gitawag na’g Araw ng Kagitingan. Liwas sab kini sa Biyernes Santo sa Abril 2.

Ang maong 4-cock derby gipasiugdhan ni Chao Sy nga inilang promoter sa basketball ug boxing. Usa siya ka sakop sa Central Visayas Breeders Association kon CVBA.

Ning usa ka adlaw nga derby, adunay pot money nga nagkantidad og 5,500 pesos ug ang ganti sa mahimong kampiyon usa ka kagumkom nga 500 thousand pesos o tunga sa milyon. Mga inilang sabungero dinhi sa tibuok Central Visayas gidapit ni Chao ug sa akong souvenir program nga gihuptan mao ang imbitasyon alang kang real estate developer Jose Soberano, usa ka mahiligon sa basketball ug team owner sa Cebu Landmasters basketball team nga produkto sa Ateneo.

Ang entry fee nagkantidad sab ug 5,500 pesos ug ang minimum bet o pinakagamay nga pusta 2,200 pesos. Estrikto ang pagdumala niining maong derby kay kinsa kadtong magdala og langay sa usa ka sultada, multahan og usa ka libo ka pesos.

Busa, good luck na lang niadtong mahimong kampiyon. Dad-a ang inyong pinakamaayong laking manok didto sa buwangan.

* * *

Dad-on na sab sa Cebu Uptown Jaycees ug sa Uptown Jaycees Foundation ang PBA dinhi sa Sugbo. Kini mao ang sangka tali sa crowd-favorite Ginebra Gin Kings batok sa Alaska Aces unya sa Mayo 22 diha sa Cebu Coliseum ug gipahibalo kini sa atong higala nga si Dr. Boy Te, usa ka dentista nga mahiligon kaayo sa basketball.

Ang maong pahibalo gihimo didto sa SCOOP ug matod pa ni Te iya kining regalo sa mga Sugboanon tungod kay maoy ilang gipangayo nga Ginebra maoy moduwa dinhi dihang una silang mi-promote og PBA game dinhi sa Sugbo duha na ka tuig ang milabay tali sa Alaska ug San Miguel Beermen.

Angayan natong suportahan kining proyekto sa Cebu Uptown Jaycees tungod kay kabahin sa ilang makita mobalik man ngadto sa publiko ug gani, aduna may lima ka wheelchairs nga ipanghatag atol sa maong duwa. Duna pay daghang proyekto karong summer ang Jaycees ug ang mga kabus natong kaigsoonan maoy makabenepisyo.

Ang motan-aw sa umaabot nga PBA game makadawat sab og cellphones nga ilang ipa-raffle ug duna pay mga laing pakulo.

Ang tickets gibaligya sa P700 ringside, P/450 lower box, P/250 sa upper box ug P100 sa general admission.

Atong paluyohan kining PBA game nga gipaningkamotan nga dad-on dinhi nila ni Dr. Boy Te kinsa maoy overall chairman sa maong promotion uban kanila ni Chris Paruan, ang tag-iya sa RC Goldline cell shop kinsa maoy gitahasan isip chairman sa commitee on prizes ug ang bag-ong napiling presidente sa Uptown Jaycees nga si Carlos Porras Jr. Kining tulo ka batan-ong mga negosyante nga atong gihisgotan mga batan-on sab ang linihokan sulod sa basketball court.

Matod pa ni Te, “suwayi lang ninyo si Jawo.” Si Te maoy gitawag og Jawo sa ilang grupo tungod sa iyang gahi nga depensa.

Ok mga dabarkads, kitakits puhon didto sa Cebu Coliseum.

Miscellaneous. Belated birthday greetings to my friend who is a fellow Piscean Collector Bingo Matugas of the Mactan-Cebu International Airport Authority (MCIAA) who celebrated his natal day last March 18.

Also last belated advance birthday greetings to my nephew Earl Benedict Pantuan on March 20, to my niece Xera Juliana Tumulak on March 26 and to my brother-in-law JV Jadraque on March 29. Now I realized why graduation ceremonies are done in March because the graduates will march (March) to the stage. Sad to say, most fires are also occurring in March. Be careful, folks. Let’s observe the Fire Prevention Month.