Mactan Hotmen laraw mokulit og 2-0

CEBU, Philippines - Tuyo sa Mactan Hotmen nga mokulit sa ikaduha nilang daog sa ilang pakigsangka batok sa Canillas-Gonzales Brokerage sa ilang pagbalik sa aksiyon sa Bureau of Customs 1st Port of Cebu Sportsfest basketball tournament karong adlawa diha sa Benedicto College Gym, Mandaue City.

Katapusang niduwa ang Hotmen niadto pang Pebrero 12 dihang ilang gipilde ang Assessment Division sa ilang unang duwa didto sa Mandaue City Cultural and Sports Complex.

Bisan sa taud-taud nilang pahuway sa 1st Port of Cebu Sportsfest, ang Hotmen nga gipangulohan ni team manager Bingo

Matugas miduwa og usa ka tune-up match batok sa Monday Club diin sila miposte og 78-72 nga kadaugan didto sa USC-North

Campus gym sa Gen. Maxilom Ave., ning siyudad. 

 Ang Customs Employees and Brokers Union (CEBU) defending champion Hotmen, mao karon ang pre-tournament title favorite. – BANAT NEWS