CEBU, Philippines - Mobalik na sa iyang puwesto isip regional president sa Private Schools Athletic Association (PRISAA) si Philippine Sports Commission executive director ug commissioner Fr. Vicente 'Vic' Uy, SVD karong Hulyo.
Inig sugod sa klase, si Fr. Uy mobalik sa panerbisyo isip regional president kay ang termino niya isip commissioner mapupos na sa Hunyo 30.
Si Fr. Uy nahimong PRISAA-7 president gikan sa 2000 hangtod sa 2006 dihang siya pa ang athletic director ug vice president for finance sa University of San Carlos (USC). – BANAT NEWS