2 Pinoy boxers abante sunod hugna

CEBU, Philippines - Duha ka boksidor gikan sa Smart-ABAP Philippine training team mipukan sa ilang tagsa-tagsa ka kaatbang aron pag-abante sa sunod hugna sa 19th Asian Youth Boxing Championships kagahapon didto sa Shahid Shiroudi Complex sa Tehran, Iran. 

Si Jenno Cabugnangan sa Tagbilaran, Bohol mipukan sa iyang kontrang Sri Lankan, 8-2 sa 51 kilogram flyweight, samtang si Engelbert Moralde sa Davao City mimakmak sab sa iyang kaatbang nga Tajikistan, 10-2 sa 48 kilogram light flyweight division.

Gisalmotan sa 140 ka mga boksidor gikan sa 20 ka nasud dinhi sa Asya, ang mga mananaog sa torneyo makakuha og pasaporte alang sa World Championships didto sa Azerbaijan karong Abril. – BANAT NEWS