UC College of Law hari sa ALSP-IBP Sportsfest

CEBU, Philippines - Gipukan sa University of Cebu (UC) College of Law ang Integrated Bar of the Philippines (IBP)-Cebu Chapter Selection, 69-57 aron langkaton ang titulo sa   Association of Law Students of the Philippines-IBP Sportsfest niadtong Domingo diha sa USC main gym.

Ang kanhi skipper sa UC Webmasters nga si Kenneth Kerrn Sesante maoy nangu sa UC Law pinaagi sa iyang 25 puntos. Laing duha niya ka teammates ang mirehistro sab og double figures.

Ang maong torneyo nga gipasiugdahan sa ALSP-Visayas Chapter, gisalmotan og unom ka teams ug kini mao ang first champion University of the Visayas College of Law, 2009 champion University of Southern Philippines-Foundation College of Law, University of San Carlos College of Law, Southwestern University College of Law ug ang IBP-Cebu Chapter.

Ang torneyo gimugna aron paghatag og kalingawan ug aron magkasuod og maayo ang mga law students ug lawyers dinhi sa Visayas.

Sa sayo pa, ang UV Law mipukan sa USC Law, 64-55 aron pag-angkon sa ikatulong puwesto.

Puntos Matag Usa

Unang duwa:

UV Law (64) - Naraja 21, Fajardo 12, Anos 12, Pangan 10, Rondina 4, Ramos 2

USC Law (55) - Zamora 20, Walad 10, Nollora 9, Alcordo 9, Tibon 3, Dalanon 3

Ikaduhang duwa:

UC Law (69) - Sesante K. 25, Albeos 13, Sumayod 13, Bulala 5, Sesante I. 4, Matugas 3, Nejudne 3, Mendoza 3

IBP (57) - Bauzon 15, Santos 15, Ligutan 11, Godornes 8, Bragat 3, Calipayan 2, Dumon 2. – BANAT NEWS