CEBU, Philippines - Kapin sa duha ka gatos ka runners ang gikatakdang magdinaganay sa pagsikad sa 2010 Consolacion Fun Run “Dagan sa Kausaban 2010” karong Domingo diha sa Sta. Lucia Town Square sa Brgy. Poblacion, lungsod sa Consolacion.
Usa sa mga highlights sa ika-90 nga anibersaryo sa lungsod sa Consolacion, ang lumba adunay upat ka kategoriya ug kini mao ang 10K, 5K, 3K ug 1K kiddie run.
Ganting salapi ang nagpaabot alang sa mga mananaog. Ang makampiyon sa 10K makadawat og P3,000, kampiyon sa 5K makaangkon og P2,000 ug ang kampiyon sa 3K mobulsa og P1,500.
Ang labing kusog sa Kiddie run gantihan og P1,000.
Ang maong lumba gipasiugdahan sa Consolacion North Road Runners, uban sa abag sa Norkis Group of Companies ug ni Board Member Victor Maambong. – BANAT NEWS