CEBU, Philippines - Nalansang sa kinatas-an dapit sa liderato ang Sugbo Customs Brokerage human ilang gidemolis ang TNT-White, 103-82 sa Still Fighting Athletics Association (SFAA) 2010 basketball tournament diha sa CEC covered court.
Gitapos sa Sugbo Customs Brokerage ang ilang duwa sa eliminasyon uban ang 8-1 nga baraha.
Ang Brokermen ni coach Atty. Ben Bongon miposte og 56-38 sa halftime ug padayon ang ilang kainit hangtod nga nahuman ang duwa.
Si Arnold Fernandez maoy topscorer sa Sugbo Brokers pinaagi sa iyang 25 puntos, samtang ang TNT gipangulohan sab ni Jaime Rodriguez nga mibahog og 22 puntos.
Sa lain pang mga duwa, ang Scarborough mipukan sa Warriors, 97-90, ang Young Birds milubong sa Dark Green, 94-80, samtang ang Red team naka-eskapo batok sa ZAON, 84-82.
PUNTOS MATAG USA
Sugbo (103) - Fernandez 25, Batad 18, Dinela 12, Tan 11, Romariz 10, Cabañero 8, Morre 7, Calderon 6, Olorvida 4, Bongon 2
TNT (82) - Rodriguez 22, Quijano 20, Piloton 13, Surmion 11, R. Tan 10, Ravina 2, Kyamko 2, Cabarte 2 (BANATNEWS)