Jonel's, Brainbos sud semis

CEBU, Philippines - Gilat-an sa Jonel's Trucking ni Joey Cal ang Johndhel, 68-53 aron pag-abante sa semifinals sa Barangay Labangon Basketball Association (BLBA) basketball tournament diha sa Labangon Sports Complex.

Sa laing duwa, mi-abante sab sa semifinals ang Brainbos Multi-Vitamins human nila gipilde ang RCAF ni Romeo Faunillan, 83-77.

Ang semifinals himuon karon sa mao gihapon nga binyu.

 Miratsada dayon ang Jonel's sa opening period diin miposte kini og 21-12 nga bentaha. Ang Jonel's padayon nga mihakot og puntos sa second period sa paggiya nilang ex-USP Panther Erik Espinosa ug Rowel Sumalinog, apan si Bay Villarta maoy topscorer sa kadaugan nga mikambiya og 16 puntos. Sila si Espinosa ug Sumalinog miamot og 15 puntos matag usa. Si Kit Tabasa maoy nangu sa Johndhel pinaagi sa iyang 14 puntos.

Sa laing duwa, si Lemuel Paguntalan mibahog og 24 puntos aron pangulohan ang Brainbos, samtang sila si Ramil Hapin ug Julius Pepino nagkumboya og 38 puntos.

Ang pilderong RCAF gipangulohan ni Danrey Baclay, kinsa miposa og 20 puntos.

PUNTOS MATAG USA

Unang duwa:

Jonel’s (68) - Villarta 16, Espinosa 15, Sumalinog 15, Mata 9, Elizondo 5, Lansang 4, Castro 2, Cal 2

Johndhel (53) - K Tabasa, 14, D. Desuyo 12, A. Desuyo 11, Japitan 8, Tabasa 6, Alfante 2

Ikaduhang duwa:

Brainbos (83) - Paguntalan 24, Hapin 20, Pepino 18, Baylon 6, Manlosa 5, Amores 4, Yuzon 2, Atillo 2, Cabasan 2

RCAF (77) - Baclay 20, Garcia 14, Del Campo 14, Faunillan 10, A. Tabasa 9, Dignos 6, L. Tabasa 2, Espinosa 2    (BANATNEWS)