CEBU, Philippines - Sugdan na karong adlawa ang Labogon Open Chess Tournament diha sa Labogon barangay hall sa dakbayan sa Mandaue.
Gipasiugdahan sa Labogon Chess Learning Centre (LCLC), ang duha ka adlaw nga kompetisyon nga mosubay og 7-round Swiss system format gibuak sa tulo ka dibisyon -- open, kiddies ug women's.
Ganting salapi ang maangkon sa mga mananaog. Ang makampiyon sa open division makadawat og P4,000, ang second placer makaangkon og P2,000 ug ang third placer mobulsa og P1,000. Ang mopahiluna gikan sa ikaupat hangtod sa ikapito nga dapit makadawat og P700, P500, P300 ug P200.
Ang top seven winners sa kiddies class mobulsa og P1,000, P700, P500, P300, P200, P150 ug P100. – BANAT NEWS