Beach volleyball sa Talisay

CEBU, Philippines - Agi'g pagsaulog sa tinuig nga Takas sa Talisay, ang   Talisay City Government uban sa Talisay City Sports Commission mopasiugda og usa ka adlaw nga beach volley tournament nga gikatakda sa unang semana sa buwan sa Marso.

Gibana-banang moabot ngadto sa 10 ka koponan ang   mosalmot sa women’s open category gikan sa mga unibersidad, komersiyal ug nagkadaiyang volleyball clubs dinhi sa Sugbu.

Ganting salapi ang nagpaabot alang sa mga mananaog. Ang makampiyon makadawat og P5,000, samtang ang second ug third placers makaangkon og P3,000 ug P2,000 matag usa.

Gawas sa beach volley, ang Talisay City Sports Commission mopahigayon sab og summer sports clinic sa basketball, volleyball ug lawn tennis.

Alang sa dugang mga kasayoran, mahimong motawag sa Talisay Sports Commission sa numero 272-2755. – BANAT NEWS