Lagtang Selection naka-eskapo sa MCWD All-Star

CEBU, Philippines - Igo lang midaog og uno punto ang Lagtang Selection batok sa MCWD All-Star, 95-94 atol sa ilang exhibition game sa pagbukas sa Jaclupan Fiesta Cup basketball tournament didto sa Jaclupan open court sa dakbayan sa Talisay.

Sayo kaayong nanginit ang Lagtang nga mirehistro kini'g 10 puntos, 28-8 sa first period ubos sa tandem nilang Anfor Tabar ug   Jackson Lapeña.

Sa mga paningkamot nilang Ireneo Gako, Jun Bajergo ug Migs Paz, ang MCWD nakahimo pagkitkit sa labaw ngadto na lang sa kuwatro puntos sa second period, 47-51. 

Dali hinuon nga nakabawi ang Lagtang pinaagi sab sa ilang mainitong rally aron maangkon ang kadaugan.

Si Lapeña maoy nangulo sa Lagtang sa iyang game-high 36 puntos, samtang si Tabar mi-iskor og 17 puntos ug si Derby Bendebil, kinsa maoy bida sa kadaugan midugang og 14 puntos.

Si Gako maoy nangu sa MCWD sa iyang 29 puntos samtang sila si Jun Bajergo ug Paz mikati og 12 puntos matag usa.

Puntos Matag Usa

Lagtang (95) - Lapeña 36, Tabar 17, Bendebil 14, Labajo 6, Sumargo 4, a. Abatayo 4, Arriesgado 4, Bacalso 4, Iconas 2

MCWD (94) - Gako 29, Paz 12, Bajergo 12, Handayan 10, Balague 8, Dalena 6, Miñoza 6, Tabar 4, Arnoco 3, Nicanor 2, Chan 2. – BANAT NEWS