Mawin's Kitchen gisubha'g daog

CEBU, Philippines - Gilat-an sa Mawin’s Kitchen ni Maia Adriatico ang Ritchie team, 81-67, samtang ang   Emilmich ug Victor Village pulos sab gisubhan og daog sa pagsugod sa JS Contractor’s Cup summer basketball tournament diha sa Vicente Sotto Memorial Gym sa barangay Punta Princesa, ning dakbayan.

Ang Emilmich nga gipangulohan ni skipper   Michael Badon, midaog batok sa Cabsnet sa iskor nga 55-50, samtang ang Victor Village milapa sa Blue Marlins sa iskor nga 56-48.

Ang Mawin’s Kitchen nga maoy kampiyon sa miaging Christmas league, pirmeng naglabaw gikan sa pagsugod ug miposte pa kini sa ilang kinadak-ang labaw 26 puntos pagsugod sa final period sa iskor nga 67-41.

Si Sherwin Lequit maoy nangu sa Mawin’s pinaagi sa iyang 18 puntos, samtang sila si Mat Vallejo, Egin Taborada ug Tata Cabahug pulos sab mihimo’g double figures.

Ang Ritchie gipangulohan nilang Zype Canencia ug Jeff Iyana nga nagkumboya og 30 puntos.

Sa laing bahin, si Jun Llenes mihakot og 14 puntos aron pangulohan ang Emilmich samtang si Jerry Empenado mi-iskor og 13 puntos aron pangulohan ang Victor Village. Si Tonix Carungay miamot og 11 puntos sa maong kapildihan.

Puntos Matag Usa

Mawin’s (81) - S. Lequit 18, Vallejo 15, Taborada 13, Cabahug 10, Bouffard 8, Lequit 6, Viñalon 4, emoebado 2, Tecson 2, Avanceña 2

Ritchie (67) - Z. Canencia 16, Iayan 14, Villarba 10, Padigos 10, R. Canencia 7, Bergado 4, Tojoy 2, Franco 2, Galon 2. – BANAT NEWS