CEBU, Philippines - Nagbinaharay sila si Rhiel Mandate ug Ruther Del Castillo nga mopatumba sa usa'g–usa sa ilang sangka sa main event sa Rapid Fire-Binukbukay karong gabii diha sa Talisay Sports Complex sa Tabunok, siyudad sa Talisay.
Sa press conference kagahapon didto sa Red Moon Chinese Restaurant sa Gaisano Fiesta Mall Tabunok, ang pambato sa Omega boxing stable sa Mandaue nga si Mandate nagkanayon nga ipagawas niya ang tanan niyang kusog aron iyang matumba si Del Castillo.
Apan si Del Castillo sa Ringside Stable sa Manila, wala sab magpaalkansi ug mibahad sab kini nga tumbahon niya si Mandate.
Gipasiugdahan sa DTT Events and Promotions, ang maong boxing event gisuportahan sab sa Tiger Beer, Red Moon Café, Nature's Spring Water, The Freeman ,DYRF Station, Omega Boxing Gym, IPI, CCR Car Display, Dr. Joel Pascual ug Abejo Builders. – BANAT NEWS