WNCAA National Games hahataw ngayon sa Laguna

MANILA, Philippines - Babanderahan ng multi-ti­tled Lyceum ang cast ng Wo­men’s National Collegiate Athletic Association (WNCAA) National Championship Games na magbubukas ngayon sa Uni­versity of Perperual Help sa Biñan, Laguna.

Tatrangkuhan ng Lyceum, nakopo ang kanilang ikaapat na sunod na basketball crown at 10 sunod na volleyball title noong nakaraang taon, ang National Capital Region kasama ang dual titlist na University of Asia at Pacific na magpapakita ng aksyon sa Senior B ng 40th WNCAA season.

Ang iba pang kalahok na ko­ponan sa apat na araw na basketball at volleyball tournament ay ang Bicol’s University of Sta. Isabel at Ateneo de Naga, Central Luzon’s Tarlac State University at Lyceum Subic at host Perpetual bilang ki­natawan ng Calabarzon.

Sa ngayon, ipinagkaloob ng 40th WNCAA ang kampeonato sa St. Scholastica’s College (ju­nior volleyball), San Beda Col­lege Alabang (midgets volleyball), Miriam (junior futsal), La Salle College (midgets and junior badminton at junior table tennis), Rizal Technological University (senior badminton at table tennis).

Idaraos naman ang cheerleading competition para sa la­hat ng tatlong division sa Peb­rero 20 sa Ninoy Aquino Stadium.

Ang 40th WNCAA ay suportado rin ng monster Radio RX 93.1, Goody, IBC 13, Manila Bul­­letin, Sports Digest, Muscle Ta­pe, Burlington BioFresh, M­JC Press at Macraphics Car­ranz.