CEBU, Philippines - Padayong mikubkob og daog ang Pulang-bato volleybelles dihang ilang gibiktima ang Budlaan sa women's volleyball event sa Mayor Tomas R. Osmeña's "My City Games 2010" diha sa Cebu City Sports Center.
Gipilde sa Pulang-bato ang Budlaan sud sa duha ka sets, 25-19, 25-16.
Ang Barangays Sirao
ug Guba mikulit sab og daog, apan nangayo pa kini og
tulo ka sets aron tumbahon ang tagsa-tagsa nila ka kaatbang.
Ang Barangay Sirao mipukan sa Mabini, 25-15, 21-25, 25-11, samtang ang Guba mipukan sa Lusaran, 21-25, 25-20, 25-14.
Ang volleyball event gisalmotan og 60 ka barangay nga gibahin ngadto sa siyam ka brackets.
Gawas nga makakuha og luna sa quarterfinals, ang topnotchers sa matag bracket hatagan og ganting salapi. Dakung ganti ang nagpaabot alang sa unang-tulo ka mga mananaog sa overall sa matag sports discipline.
Laing pang events nga tigian mao ang basketball, badminton ug soccer. – BANAT NEWS