Roble Shipping nag-una karon sa Friendship Cup

CEBU, Philippines - Ang defending champion Roble Shipping Lines nga gipangulohan sa ilang team captain George Uy, mipalubog sa Unilink Shipping, 72-68 aron masakmit ang liderato sa Invitational Friendship Cup 2010 basketball tournament diha sa CEC gym sa dalan Dimasalang, ning siyudad.

Sa laing duwa, ang Benitez Dental Clinic naka-eskapo bitbit ang 78-72 nga kadaugan batok sa Powerball.

Ang six-foot-three center nga si John Carpio mirehistro og 18 puntos aron pangulohan ang Roble Shipping ug si Dindo Sauza midugang og 16 puntos.

Si Louie Navarro mihipos og 13 puntos alang sa Unilink nga nagbitbit og 2-3 nga baraha.

 Sa laing bahin, sila si Cardo Sararana ug Nilo Beintain nagkumboya og 35 puntos alang sa Benitez nga nagtangag og 3-2 nga baraha. Si Bondying Mendoza miposte og 18 puntos apan nausik lang ang iyang mga paningkamot kay ang Powerball nakatilaw na og tulo ka pilde sa lima ka duwa.

Puntos Matag Usa

Unang duwa:

Roble Shipping (72) - Carpio 18, Sauza 16, Encallado 12, Maquilan 6, Auza 6, Armenion 6, Sestoso 5, Uy 3

Unilink Shipping (68) - Navarro 13, Anadon 12, Ortega 11, Tabsa 7, Seno 6, Kwan 5, Diola 4, Quinanola 4, Baclay 4, Macion 2

Ikaduhang duwa:

Benitez D.C. (78) - Sararana 19, Bentain 16, Bensi 12, Bejoc 7, E. Benitez 7, R. Benitez 7, L. Benitez 7, Paquibot 3

Powerball (72) - Mendoza 18, Gaviola 14, Luces 14, Canete 11, Malazarte 8, Estorba 5, Fuentes 2. – BANAT NEWS