Jopson, Lambo naghari sa "Tour ni Frank

CEBU, Philippines - Namawi ang pambato sa Sugbu nga sila si Noy Jopson ug Tyre Lambo dihang giharos nila ang duha ka nahibiling titulo sa ikaduhang adlaw sa RECYCLE-Luzvimin-USA Cebu Cycling Series-Tour Ni Frank niadtong Domingo sa Brgy. Buak.

Gipakita ni RP Iron Man champion Jopson ug ni Lambo ang ilang katakus dihang gitaak nila ang makutas nga rota gikan sa Toledo ngadto sa bukirong bahin sa barangay Buak subay sa Transcentral highway, aron masakmit ang titulo sa class B ug class C.

Si Jopson, kinsa mao usab ang second placer sa road race ug sixth placer sa criterium, nakadawat og specially-design nga “yellow jersey” isip ganti sa iyang kalampusan sa lumba.

Si Jonas Ponseca, maoy mipahiluha sa ikaduhang dapit sa stage 2, gisundan ni Leyte Cabugwason alang sa ikatulong dapit.

 Si Lito Quebec maoy midominar sa road race, samtang sila si Dondie Azarcon ug Bitoy Daa sa Team PLDT milampos usab pagtapos sa mountain stage.

Mihimo sab og eksena sa maong lumba ang 14-anyos nga si Igi Maximo, kinsa mipamatuod nga kaya niya nga makigtigi sa mga beteranong riders.   (BANATNEWS)