CESAFI Partners' Cup uc-enervon c daog

CEBU, Philippines - Padayong gidominar sa UC-Enervon C ang ilang sangka batok sa UV-PTT Fuels pinaagi sa pag-iskor ug 89-83 nga kadaogan kagahapon atol sa pagbukas sa 4th CESAFI Partner’s Cup didto sa Cebu Coliseum.

Sa laing duwa, milahutay ang mas tag-as nga USJR-Ave Maria aron pakgangon ang rally sa USC-San Marino Corned Tuna sa uwahing bahin sa fourth quarter aron pagkulit ug 90-79 nga kadaogan. Ang USJR maoy mi-abante sa CESAFI finals sa miaging tuig apan napilde sila sa CIT Wildkittens.

Ang UC Junior Webmasters kinsa maoy nakakuha sa ikatulong pwesto sa high school division pinaagi sab sa pagpukan sa UV sa ilang best-of-three series, migamit sa ilang teamwork sa naghinapos nga bahin sa fourth period aron maka-ipsot sa atake sa Baby Lancers.

Sila si Adamme Talisic ug John Raphael Aranas mi-iskor og 13 ug 12 puntos matag usa aron pangulohan ang UC samtang si Clint Saramosing midugang og 10 puntos.Wala moduwa ang ilang topgunner nga si Gerald Ampoon kinsa misaka na ngadto sa college.

Si Gerald Legarde, ang scoring leader sa UV sa miaging tuig, mi-iskor og 18 puntos aron pangulohan ang ilang opensa.

Ang USJR-Ave Maria sa laing bahin, naka-outscore sa USC-San Marino Corned Tuna, 17-6 sa kataposang kuatro minutos sa fourth period nga giduslitan sa five-point swing nilang June Arthur Go ug Arlister Escatron.

Human magtabla ang iskor sa 73-all, may 3:42 ang nahibiling oras, mi-iskor og jumpshot si Go aron ma-ilog ang labaw, 75-73 ug nakapasulod og three-pointer si Escatron aron pag-inat sa iskor ngadto sa 79-75 hangtod nga midaog sila’g 11 puntos.

Si Go maoy nangu sa USJR sa iyang 19 puntos ug sila si Escatron ug Frego Montecillo mi-iskor ug 13 og 12 points, matag usa.

Si Thirdy Uy maoy nangu sa USC sa iyang 15 puntos.

Ning pagsulat sa 5:30 sa hapon kagahapon, adunay gipahigayon nga duha ka duwa sa collegiate tali sa UV-PTT Fuels batok sa USPF-Lion Tiger ug sa USC-San Marino batok sa USJR-Ave Maria.

Puntos matag usa:

First Game: (Secondary)

UC-Enervon C (89)— Talisic 13, Aranas 12, Saramosing 10, Nazareno 9, Pingoy 8, Yburan 8, Labolabo 8, Otida 6, Joseph 5, Pua 4, Codilla 4, Padilla 2

UV-PTT Fuels (83)— Legarde 18, Arong 11, Marata 8, Brigoli 7, Ybañez 7, Mendoza 6, Flores 5, Smith 5, Suan 4, Dennison 4, Regner 2, Linao 2, Nuñez 2

Second Game:

USJR-Ave Maria (90)— Go 19, Escatron 13, Montecillo 12, Trozo 11, Muñez 10, Gabasan 5, Legaspi 5, Senining 3, Tan 3, Zerda 2, Eborlas 2

USC-San Marino (79)— Uy 15, Dalangpan 9, Malana 9, Bongo 8, Romaguera 7, Jaca 6, Kikuchi 5, Pajantoy 4, Guardario 2, Palapar 2, Arnejo 2, Bacaltos 1. - Gabby G. Malagar (BANAT NEWS)