5th CPJ Taekwondo C'hips sa USC-NC gym

CEBU, Philippines - Magsinakaray na ang mga banggiitang taekwondo jins sa pagsikad sa 5th Carlos Palanca Jr. (CPJ) Regional Taekwondo Championships karong adlawa diha sa University of San Carlos-North Campus (USC-NC) gym.

Mga dekalibreng taekwondo jins sa Sugbu ang manalipod sa ilang teritoryo batok sa mga bisitang fighters gikan sa Bohol ug Cagayan de Oro City.

Ang usa ka adlaw nga kompetisyon adunay tulo ka kategoriya -- senior, junior ug children.

Mga kategoriya sa seniors naglakip sa finweight, flyweight, bantamweight, featherweight, lightweight, welterweight ug middleweight. Kining maong mga kategoriya malakip sab sa juniors division uban sa light middleweight ug light heavyweight.

Sa laing bahin, ang children's class gibahin ngadto sa pito ka grupo depende sa ilang edad.

Ang mga partisipante bahinon ngadto sa novice (yellow ug blue belters) ug advance (red, brown ug black belters).

Ang top performers maoy morepresentar sa rehiyon ngadto sa CPJ National Taekwondo Championships karong Pebrero 6-7 didto sa Rizal Memorial Sports Complex sa kaulohan.   (BANATNEWS)