Aquino, Williams nagtulong sa panalo ng Realtors
MANILA, Philippines - Si Marlou Aquino ang nagdala sa first period, habang si Kelly Williams naman ang tumapos para sa Sta. Lucia.
Ipinoste ni Williams ang kanyang 14th double-double mula sa 25 puntos at 11 rebounds, samantalang humugot naman si Aquino ng 13 sa kanyang 17 marka sa first quarter para igiya ang Sta. Lucia sa 108-86 panalo kontra Barako Bull sa second round ng 2009-2010 PBA Philippine Cup kahapon sa Araneta Coliseum.
Ang naturang tagumpay ang nagpatibay sa pag-asa ng Realtors sa isang playoff para sa isa sa tatlong outright quarterfinals ticket.
May 10-7 kartada ngayon ang Sta. Lucia sa ilalim ng semifinalist San Miguel (13-5), Alaska (12-4), Barangay Ginebra (11-6), Purefoods Tender Juicy (11-6) at nagdedepensang Talk ‘N Text (11-7) kasunod ang Burger King (5-11), Coca-Cola (5-12), Rain or Shine (4-13) at Barako Bull (3-14).
Matapos isuko ang first period sa Energy Boosters, 31-32, nagtuwang naman sina Williams, Ryan Reyes, Ardy Larong at rookie Fil-Am Josh Urbiztondo para ibigay sa Realtors ang isang 12-point lead, 59-47, sa huling 48 segundo sa second quarter patungo sa kanilang 62-49 halftime lead.
Tatlong magkakahiwalay na three-point shots ang isinalpak nina Alex Crisano at Yousif Aljamal para idikit ang Barako Bull sa 60-66 sa gitna ng third period.
Sa pamumuno nina Williams, Urbiztondo at Jason Misolas, muling nakalayo ang Sta. Lucia sa 71-60 tungo sa 91-76 lead sa 6:27 sa laro.
Ang panalo ng Realtors sa Giants, nagmula sa 94-77 paggupo sa Aces noong Biyernes, sa Enero 22 ang magbibigay sa kanila ng playoff para sa isa sa tatlong outright quarterfinals seat. (RC)
- Latest
- Trending
