7th Don Bosco Football Festival sugdan na

CEBU, Philippines - Mo-ulbo na ang 7th Don Bosco Football Festival karong adlawa diha sa Brgy. Punta Princesa.

Ang host-Don Bosco maninguha nga modepensa sa ilang kaugalingon balwarte batok sa mga bisitang koponan.

Mga partisipanteng naglakip sa Bright Academy, Sacred Heart School-Jesuit, University of San Carlos, Danao and Mactan Football Club, Pomeroy, Rainbow, San Roque ug Cebu Institute of Technology.

Mga langyaw'ng tinun-an gikan sa Southwestern University ang gitakda nga mopakita'g aksiyon.

Siyam ka titulo ang giandam niining festival-type event. Ang mga kategoriya nga tigian mao ang under-8, 10, 12, 14, 17, men's open, 38-above, girl's 17 ug ladies open.

Ang kalihukan, kabahin sa ika-56 nga Founder's Day celebration sa Don Bosco. – BANAT NEWS