GRAY kampiyon sa Thursday Club Inter-Color Tourney

CEBU, Philippines - Gilapdos sa Team Gray ang Pink squad, 77-60, aron masakmit ang kampiyonato sa 35-above division sa Thursday Club Inter-Color Basketball Tournament Season 3 didto sa Brgy. Jugan, Consolacion.

Gikan sa 18-15 nga labaw sa first period, miratsada ang Gray cagers dihang ilang gidabo-dabohan ang Pink team aron maangkon ang sayes puntos nga labaw sa halftime, 43-37.

Hingpit nga gisegurado sa Gray ang titulo dihang giinat pa nila ang ilang labaw ngadto sa 13 puntos, 62-49, pinaagi sa ilang nagpungasi nga opensa sa nahibiling 10 minutos sa duwa.

Si Pepito Alfon maoy top scorer alang sa Gray pinaagi sa iyang 16 puntos, samtang sila si Tino Valle ug Noynoy Ganub midiga og 13 ug 12 puntos matag usa, samtang si Tony Pepito mibugha og 22 puntos, gisundan ni Pedot Pepito nga midunol og 10 puntos alang sa naparot nga Pink squad.

Sa sayung bahin, si Victor Kho ug Nick Beduya mikumboya og 34 puntos aron ituboy ang Blue batok sa Violet, 78-77, alang sa ikatulong dapit.

Ang torneyo gipasiugdahan nila ni Jugan Brgy. Capt. Gielzchek Dada ug mga barangay councilors nga sila si Boboy Pepito, Tony Pepito, Dado Ygot, Josie Cabahug, Jaime Pilapil, Dodo Bermijo ug Teofila Queruben.

Puntos matag usa:

For third:

Blue (78) - Kho 18, Beduya 16, I. Borces 14, N. Borces 13, Roldan 9, Jeffrey 8

Violet (77) - Sasing 42, B. Pepito 12, R. Pepito 10, Arnold 4, G. Pepito 4, Dumadag 3, Borces 2

Championship:

Gray (77) - Alfon 16, Valle 13, Ganub 12, Gonzaga 10, Cabahug 8, David 4, Mariñas 4, Sales 4, Tajale 4, Rodriguez 2

Pink (60) - T. Pepito 22, P. Pepito 10, Gasal 8, Pilapil 6, Pepito 4, Ancajas 4, Poldo 4, Ramos 4, Cabahug 4, Ibones 3. Lemuel P. Maglinte (BANAT NEWS)