Suns muling sumikat sa kanilang bakuran, pinasadsad ang Spurs

PHOENIX--Muling pinaganda ng Phoenix Suns ang kanilang perpektong 9-0 home record matapos na ipos­te ang 116-104 pananaig kontra sa San Anto­nio Spurs nitong Martes sa NBA.

Nagtala si Amare Stoude­mire ng 28 puntos at 14 re­bounds habang gumawa na­man ang reserve na si Goran Dragic ng career-high 18 puntos.

Umasinta ang Suns ng 11 of 16 3-point attempts, ha­bang kumunekta naman siya ng 52 percent shooting mula sa field.

Tumapos si Tim Duncan ng season-high 34 puntos at 14 rebounds para sa San Antonio.

Sa Chicago, umiskor si Kobe Bryant ng season-high 42 puntos nang pabagsakin ng Los Angeles Lakers ang Bulls, 96-87.

Nakalubog ng isang puntos papasok sa final canto, kumawala ang Lakers at ipinalasap sa Bulls ang kanilang pang-11th kabiguan sa 13 pakikipaglaban.

Sa Houston, kapwa nag­lista sina Luis Scola at Aaron Brooks ng tig-23 puntos upang pangunahan ang Roc­kets sa 107-96 panalo laban sa Detroit na tumapos sa Pistons sa kanilang li­mang dikit na panalo.

Sa Portland, Oregon, ku­mana si LaMarcus Al­dridge ng go-ahead layup sa kabila ng masamang kalagayan ng kanyang bukung-bukong at pinayuko ng Portland ang Sacramento Kings, 95-88.