Barangay Council's Cup sugdan na

CEBU, Philippines - Pormal na nga buksan ang gikahinaman nga Barangay Council's Cup diha sa Bulacao, dakbayan sa Talisay.

Gibahin ang torneyo sa tulo ka dibisyon -- Inter-Sitio SK, Juniors ug Cyber 40 Inter-Color.

Mga teams ubos sa SK division mao ang Holy Child ni Ernesto Bacasmas, Crosan 2 ni Archie Padigos, Hawod Compound ni Gerald Baguio, Friendly Homes ni Tata Bacasmas, Maharlika Village ni Danilo Iway, Crosan 1 ni Jerry Empenado, Viilaverna Subd. ni Bern Alvarez, Sta. Catalina ni Ritchie Parba, Villabusca ni Maervin Lim, Hillside ni Dennis Pacquiao, Paglaum ni Arvy Ababon ug Bridgeville ni Jun Gascon.

Pareha sab gihapon ang mga teams nga misalmot sa juniors division gawas lang sa pipila niini nga lahi ang mga coaches o team captains nga mao ang Southern Central ni Bimbo Caparas, Hawod Compound ni Javelon Daan, Yungco Comp. ni Candong Campaner, Hillside Village ni Jonathan Briones, Sta. Lucia Road ni Enrico Castañares, Central Inggo ni Jayson Villeta, Upper Crosan ni Wenny Allonzo ug Kabuhayan ni Dindo Jakosalem.

Sa Cyber 40 Inter-Color mao ang Organe ni Engr. Rodrigo Jabellana, White ni Joe Abel Bonghanoy, Green ni Jun Andrade, RD ni Bernie Rogasane, Blue ni Jaime Bacasmas ug Yellow ni Hoecyl Gimenez.

Ang maong torneyo gipaluyohan sab sa Bulacao Barangay Council ubos sa liderato ni Brgy. Capt. Raul Cabanero, SK chairman Cashmer Ararao ug konsehal Gimenez.   (BANATNEWS)