Suns wala pa ring talo sa bakuran

Phoenix--Napatili ng Phoenix Suns ang kani­lang walang talong record bilang natata­nging koponan sa NBA na walang talo sa sari­ling bakuran matapos na maungusan ang Orlando Magic, 106-103 nitong Biyernes.

Tumapos si Amare Stoudemire ng 28 puntos na tinampukan ng matikas na offensive re­bound dunk may 7 se­gundo na lamang ang nalalabi ang nagdala sa Suns sa pakikipag­tabla sa ikalawang posisyon sa Western Confe­rence.

Gumawa naman si Steve Nash ng 20 puntos at 18 assists para sa Suns.

Sa Cleveland, bumangon ang host team mula sa magkasunod na kabiguan sa road nang igupo ng Ca­valiers ang Portland, 104-99.

Sa iba pang resulta, nanalo ang Dallas sa Miami, 106-93 at Atlanta sa Toronto, 111-89.