PhilHealth 8-0 na's ARENA-7 cagefest

CEBU, Philippines - Naghupot na karon og 8-0 nga baraha ang PhilHealth dribblers human ilang gipukan ang BIR team, 64-54 sa nagpadayong Association of Regional Executives in National Agencies (ARENA-7) Sportsfest 2009 didto sa Visayan Glass hardcourt sa barangay Guadalupe, ning dakbayan.

Ang PhilHealth maoy midominar gikan pagsugod hangtod sa pagkahuman sa duwa pinaagi sa pagpangulo ni ex-USPF Panthers Elvis Labares, Arletroy Mercader ug Marlon Demape. Pareho silang mi-iskor og 10 puntos alang sa PhilHealth nga nagsolo karon sa liderato.

Ang PhilHealth igo lang milabaw og tres puntos, 25-22 sa halftime, apan mihimo kini og 26-8 rally sa third period aron inaton ang labaw, 51-30.

Si Leo Galvez mihakot og 20 puntos aron pangulohan ang BIR, samtang sila si Yoli Meso ug Jun Santiago mitimbre og 12 puntos.

Puntos Matag Usa

Philhealth (64) - Labares 10, Demape 10, Mercader 10, Anadon 7, Yap 7, Quinanola 6, Ramas 4, Ymbong 4, Relampagos 4, Cenabre 2

BIR (54) - Galvez 20, Meso 12, Santiaago 12, Sievert 10. – BANAT NEWS