CEBU, Philippines - Magtakus na usab ang mga batan-ong amateur boxers gikan sa nagkalain-laing stables dinhi sa Sugbu sa pagpadayon sa “Paboksing sa Barangay 2009” karong gabii diha sa Barangay Guadalupe Sports Complex, ning siyudad.
Mga tang-an boksidor gikan sa Cebu City Sports Center (CCSC) stable, Sta Cruz stable, Seville stable, Donaire stable, Cortes stable, Omega stable, RWS stable ug Pasil stable ang moladlad sa ilang abilidad.
Ang maong torneyo nga gipasiugdahan sa Cebu City Sports Commission, gipaluyohan ni Mayor Tomas R. Osmeña, Vice Mayor Michael L. Rama, city councilors Jack Jakosalem ug Raul 'Yayoy' Alcoseba, CCSC Chairman Michel Lhuillier, Brgy. Guadalupe ubos sa liderato ni Brgy. Capt. Eugenio F. Faelnar ug barangay councilors. (BANATNEWS)